Vous voulez en savoir plus ?
A fɔ álu ye a fɛ ka álula lɔnni makafɔ ale ko kan ?
Nba, Samarika muso do nada ji ta diya yen. Isa ka a fɔ wo ɲɛ ko: «N sɔ ji dɔ, n ye n min.» Wo ka a tɛrɛ a la karandennu tun bada wa damunnin san diya so kɔnɔ.
Muso ka Isa jabi ko: «Ee! Ile ye Yahudiya le di. I di sɔn ka nne tara ji min ta la ba, nne mɛn ye Samarika muso di?» (Yahudiyalu mako tɛ Samarikalu la foyi la.)
Isa ka muso jabi ko: «Ni i tun ka Alla la dimali lɔn, mɛn ye a fɔla i ɲɛ ko ‹N sɔ ji dɔ,› i tun di wo tara, a tun di ɲanamaya ji di i ma.»
Muso ka a fɔ a ɲɛ ko: «N fa, julufɛ tɛ i bolo, kɔlɔn don fanan ka duun. I don kɛtɔ ɲanamaya ji wo sɔrɔnna yɔrɔ ɲuman? I ka bon ne an benba Yakuba di ba? Ale le ka kɔlɔn nin sen ka a to annu bolo. Ale ni a dennu ni a la biyannu tɛrɛ ji wo le minna.»
Isa ka a jabi ko: «Mɔɔ-mɔɔ ye ji nin minna, ji lɔɔ di wolu mina ikɔtuun. Kɔnin, n ye ji mɛn dila, ni mɔɔ-mɔɔ ka ji wo min, ji lɔɔ tɛ wo tii mina mutun fewu! Baa, ji wo di kɛ buyi di wo tii kɔnɔ, mɛn di buyi a kɔnɔ ka ɲanamaya banbali di a ma.»
Muso ka a fɔ a ɲɛ ko: «N fa, i ye n sɔ ji wo dɔ, sa ji lɔɔ kana n mina ani n kana na ji ta diya.»
Yohana 4:7-15
Muso tɛdɛ a fɛ ka ala lɔnni makafo Isa la ko kan. Álu don ?