Jésus peut vous apprendre à prier

Hankili lamiri : Isa ka a yiraka ko Alla tara tε kuma telennin fo di wala ka i koseyi kuma kelen fo ma haan kudeyi iko woyimaya. Konin a ye kumaηͻͻya le di i ni mͻͻ tε mεn ka ila mͻͻya lͻn ani ila ko hamin ye mεn na. Ȧlu fa mεn ye sankolo dͻ wo ye Alla le di ȧlu dise ȧlu miriyalu ni ȧlu jusu kͻnͻ ko karifala mεn na, ka wo la ȧlu makolu ni ȧlu haminnankolu kan. Nba ȧlu dise a tarala di ? Isa ka misaliya kelen di an ma ka a bεn an dise Alla tarala ηamεn ma :

• An dise a fͻla Alla ye ko a ye kε an Fa di.
• An dise a tandola ka a bεn a ye mεn kεla anna ηεnεmaya dͻ ani a a ye mεn di.
• An dina a ma kosa a di an ηεmina, jusukun dͻ a lͻͻ ye mεn na ka a sawo kε.
• An dise an jεdε tola a bola iko den ye a soroba bolo ηamεn ma, ka a ηininka ko an mako ye waati bεε ko mεnnu la wolu ye ηa.
• Isa mantonnu dise a fͻla Alla ηε ko a ye jafa alu ma alula tͻͻηͻͻ kolu bεε la alu ye mεnnu kεla, ni wo kεla a di alu makoto. Alla di alu dεmεn fanan ka jafa mͻͻlu ma mεnnu ye alu taaηͻͻnna.
• An dise dεmεnni ηininna kosa an di magbεrεnkεli kεla, ani a di an dεmεn ka sebaaya sͻdͻn anna hakεlu kan ani an darinanko julu kan.
• An ka a lͻn ko sebaya ani fankalu bεε dͻ sandͻ ye Alla le bolo fen bεε kan, a yetalu ani a yebalilu, ani an ye gbiliya muumε dila alele ma, a kelen, mͻͻ gbεdε si tε.