Les gens disent que Jésus a un démon

Mɔɔlu kan ko jina juu ye Isa fɛ

Yahudiyalu ka a jabi ko: «An ma a fɔ le a ɲuma la ba, ko Samarika jinatɔ le i di?»

Isa ka alu jabi ko: «Jinatɔ tɛ nne di. N ye n Fa le buɲala, kɔnin álu ye n dɔɔyala. N tɛ gbiliya ɲininna n yɛrɛ ɲɛ. Kɔnin, do ye yen mɛn ye a ɲininna ani ka kiti tɛɛ. N ye tuɲa fɔla álu ɲɛ ko: mɔɔ mɛn ba n na kuma labato, wo tɛ sa habadan.»

Yahudiyalu ka a fɔ a ɲɛ wo dɔ ko: «Nba sisɛn, an bada a lɔn ko jinatɔ le i di. Iburahima ni kelalu sada. Kɔnin, ile kan ko mɔɔ-mɔɔ ba i la kuma labato, ko wo tɛ sa habadan. An benba Iburahima mɛn sada, ile ka bon ne ka tamin wo kan ba? Kelalu fanan sada. Ile ye i yɛrɛ jatela jon di sa?»

Isa ka alu jabi ko: «Ni n ka n yɛrɛ gbiliya, n na gbiliya tɛ foyi di. N Fa le ye n gbiliyala, álu kan wo mɛn ma ko: ‹A ye an Maari le di.› Kɔnin, álu ma a lɔn. Nne le ka a lɔn. Ni n ka a fɔ ko: n ma a lɔn, n di kɛ álu ɲɔɔn wuyafɔla do di. Kɔnin, n ka a lɔn, n ye a la kuma labatola. Álu benba Iburahima sewada n na lon ye dɔ. A ka a ye mɛn kɛ a nisɔdiyada.»

Yahudiyalu ka a fɔ a ma ko: «Ee! I sɔrɔn ma san biloolu bɔ fɔlɔ! Ile ka Iburahima ye wo dɔ di?»

Isa ka a fɔ alu ɲɛ ko: «N ye tuɲa fɔla álu ɲɛ ko: sani Iburahima ye sɔrɔn, nne le!» Wo kɛ, Yahudiyalu ka kabakudunnu ta ko alu ye a bonna wolu la. Kɔnin, Isa ka a doon ka bɔ batobonba kɔnɔ ka wa.

Yohana 8:48-59


Alla ka a fɔ tuma mɛnna Musa ɲɛ ko``MƐN YE YEN, N NE LE WO DI’’, Musa ka Alla bato. Nba sisɛn Isa kan mɛn kɛ ko``Mɛn ye yen, Nne le wo di’’, mɔɔlu ye a faa ko dɔ.

I ye a fε i ni mͻͻ dͻ ye Alla tara ηͻͻn fε wala ka Alla tara i ye?

A fͻ I ye a fε ka Alla la kuma tariku tͻ mεn karan ani ka Alla la kuma kitabu do sͻdͻn?

A fͻ i ye a fε ka ko siyaman lͻn Isa la ko kan?

Message us on Facebook Messenger